ᓄᓇᓕᐸᐅᔭᖓ ᐃᖃᓗᐃᑦ ᕿᓂᒻᒪᑕ ᐱᓕᕆᑦᑎᐊᕈᓐᓇᑦᑐᒥᒃ ᐊᒻᒪᓗ ᐃᖅᑲᓇᐃᔭᓚᐅᔅᓯᒪᔪᒥᒃ ᐃᒻᒥᓂᔅᓱᑦᑐᒥᒃ ᐃᓚᒋᔭᐅᓕᖁᓪᓗᒍ ᐃᓄᒋᐊᔅᓯᕙᓪᓕᐊᔪᓄᑦ ᐱᓕᕆᖃᑎᒌᑦᑐᓄᑦ ᐊᒻᒪᓗ ᓄᓇᓕᐸᐅᔭᒻᒧᑦ ᑮᓇᐅᔭᓕᕆᔨᐅᓂᐊᕐᓗᓂ ᐊᐅᓚᑦᑎᔨ – ᓇᓕᖅᑲᖃᐅᑎᓂ ᑮᓇᐅᔭᑦᑖᕈᑎᒋᔭᐅᒋᐊᓕᓂᒃ ᐊᒻᒪᓗ ᐱᖁᑎ ᑖᔅᓯᔭᕈᑎᖏᓐᓂᒃ

ᐊᑎᖓ: ᑮᓇᐅᔭᓕᕆᓂᒻᒥ ᐊᐅᓚᑦᑎᔨ – ᓇᓕᖅᑲᖃᐅᑎᑦ ᑮᓇᐅᔭᑦᑖᕈᑎᒋᔭᐅᒋᐋᓕᓐᓂᒃ ᐊᒻᒪ ᐱᖁᑎ ᑖᔅᓯᔭᕈᑎᖏᓐᓂᒃ

ᓴᓇᕕᒃ: ᑯᐊᐳᕆᑦ ᐱᔨᑦᑎᕋᐅᑎᑦ

ᖃᓄᐃᓐᓂᖓ: ᖃᐅᑕᒫᑦ ᐃᖅᑲᓇᐃᔭᕐᓂᖅ, ᐃᖅᑲᓇᐃᔭᖏᓐᓇᕐᓂᖅ

ᐊᑭᓕᖅᑕᐅᓂᖅ: $78,715.00 ᐅᑭᐅᑕᒫᑦ, 35 ᐃᑲᕐᕋᐃᒃ/ᐱᓇᓱᐊᕈᓯᓕᒫᑦ

ᐊᖏᖅᑕᐅᔪᑦ ᑮᓇᐅᔭᑦ ᐃᑲᔫᓯᐊᑦ: $20,907.43 ᐅᑭᐅᑕᒫᑦ

ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᖏᑦ: ᐃᑲᔪᖅᑕᐅᙱᑦᑐᑦ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᒃᑯᓐᓄᑦ

ᐃᒡᓗᓕᕆᓂᖅ: ᐃᖅᑲᓇᐃᔭᖅᑎᓄᑦ ᐃᓪᓗᓴᖃᖏᑦᑐᖅ

ᒪᑐᓂᐊᖅᑐᖅ ᐅᓪᓗᖓ: ᒪᑐᐃᖓᓂᐊᖅᑐᖅ ᐱᔭᐅᓇᓱᐊᕐᓂᖓᓂ

ᐅᓂᒃᑳᕆᐊᑦᑐᑉᐸᓪᓗᓂ ᐊᐅᓚᑦᑎᔨᒧᑦ, ᑮᓇᐅᔭᓕᕆᓂᒻᒥᒃ ᐊᐅᓚᑦᑎᔨ – ᓇᓕᖅᑲᖃᐅᑎᓂᒃ ᑮᓇᐅᔭᑦᑖᕈᑎᒋᔭᐅᒋᐊᓕᓐᓂᒃ ᐊᒻᒪ ᐱᖁᑎ ᑖᔅᓯᔭᕈᑎᖏᓐᓂᒃ ᑲᒪᒋᔭᖃᒻᒪᑦ ᐊᑭᓕᒐᔅᓴᑖᑦᑎᑦᑎᓂᒻᒥᒃ ᐊᒻᒪ ᐋᖅᑭᐅᒪᑎᑦᑎᓂᒻᒥᒃ ᐃᓘᓐᓇᖏᓐᓂᒃ ᓇᓕᖃᖃᐅᑎᓕᒫᓂᒃ ᑮᓇᐅᔭᑦᑖᕈᑎᒋᔭᐅᒋᐊᓕᓐᓂᒃ ᐊᒻᒪᓗ ᐱᖁᑎ ᑖᔅᓯᔭᕈᑎᖏᓐᓄᑦ ᓇᓕᖃᖃᐅᑎᓂᒃ.

ᐱᓕᕆᒋᐊᓕᖏᑦ ᐊᒻᒪ ᑲᒪᒋᔭᕆᐊᖃᖅᑕᖏᑦ

ᐋᖅᑭᔅᓱᐃᕙᓪᓗᓂ ᖃᕋᑕᐅᔭᒃᑯᑦ ᐊᑭᓖᖁᔨᒍᑎᓂᒃ ᐊᒻᒪᓗ ᐋᖅᑭᐅᒪᑎᑦᑎᓗᓂ ᓇᓚᐅᑦᑎᑦᑎᐋᑦᑐᓂᒃ ᐊᑭᓕᔅᓱᐃᕙᑦᑐᓂᒃ ᐅᓂᒃᑳᔅᓯᒪᔪᓂᒃ.

- ᐋᖅᑭᓱᐃᕙᓪᓗᓂ ᑕᖅᑭᑕᒫᑦ ᐊᑭᓖᖁᔨᒍᑎᓂᒃ ᐊᒻᒪ ᑎᑎᕋᒃᓯᒪᔪᓂᒃ ᐃᓘᓐᓇᖏᓄᑦ ᓇᓕᖃᖃᐅᑎᑦ ᑮᓇᐅᔭᑦᑖᕈᑎᒋᔭᐅᒋᐊᓕᓐᓄᑦ ᓇᓕᖃᖃᐅᑎᓂᒃ.

- ᐋᖅᑭᔅᓱᑉᐸᓪᓗᓂᒋᑦ ᐊᒻᒪᓗ ᑎᑎᕋᑉᐸᓪᓗᓂᒋᑦ ᐃᓘᓐᓇᑎᒃ ᐱᖁᑎ ᑖᔅᓯᔭᕈᑎᖏᓂᒃ ᑐᓴᑦᑎᑦᑎᒍᑎᑦ ᐊᒻᒪᓗ ᐅᓂᑳᓕᐊᕆᓯᒪᔪᑦ ᐊᑭᓕᔅᓱᐃᕙᑦᑐᓄᑦ, ᑮᓇᐅᔭᖁᕕᓐᓄᑦ, ᐊᒻᒪᓗ ᐃᒡᓗᑖᕈᑎᓕᕆᔨᒃᑯᑦ ᓴᓇᕕᖁᑎᖏᓐᓄᑦ.

- ᐋᖅᑭᓱᐃᕙᓪᓗᓂ ᐊᒻᒪᓗ ᑎᑎᕋᑉᐸᓪᓗᓂᒋᑦ ᐃᓘᓐᓇᑎᒃ ᐊᐃᒃᑑᓯᐊᑦ ᐱᔭᐅᙱᖔᓪᓗᑎᒃ ᑖᔅᓯᔭᕈᑎ ᑐᓴᑦᑎᑦᑎᒍᑎᖏᑦ.





- ᐋᖅᑭᓱᐃᕙᓪᓗᓂ ᐊᒻᒪᓗ ᑎᑎᕋᑉᐸᓪᓗᓂᒋᑦ ᐅᓘᓐᓇᑎᒃ ᑖᔅᓯᔭᕈᑎᑦ ᓇᓗᓇᐃᒃᑯᑕᖏᑦ.

- ᒪᓕᑦᑕᐅᑎᑦᑎᓚᕆᑉᐸᓪᓗᓂ ᓄᓇᓕᐸᐅᔭᐅᑉ ᒪᓕᒐᕋᓛᖏᓐᓂᒃ, ᐱᖁᑎᒥᒃ ᐊᑭᓪᓗᐊᔅᓯᐅᕆᓂᕐᒧᑦ ᑖᔅᓯᔭᑎᑦᑎᓂᒻᒧᑦ ᒪᓕᒐᒻᒥᒃ ᐊᒻᒪ ᐊᓯᖏᓐᓂᒃ ᐊᑐᑦᑕᐅᒋᐊᓕᓐᓂᒃ ᒪᓕᒐᓕᐊᕆᔭᐅᓯᒪᔪᓂᒃ.

- ᐃᑲᔪᑉᐸᓪᓗᓂ ᓇᓗᓇᐃᔅᓯᓂᒻᒥᒃ, ᐊᖑᒪᑎᒋᐊᓕᑦᑎᑦᑎᓂᒻᒥᒃ ᐊᒻᒪ ᐋᖅᑭᖃᑎᒌᑦᑎᑦᑎᓂᒻᒥᒃ ᐱᖁᑎᒧᑦ ᑖᔅᓯᔭᓐᓂᒻᒧᑦ ᐊᑭᓪᓗᐊᖓᓂᒃ ᐊᑎᓕᐅᑦᑕᐅᓯᒪᕕᒻᒥ ᐃᖅᑲᓇᐃᔭᖃᑎᒋᓗᓂᒋᑦ

ᓄᓇᓂᒃ ᐊᒻᒪ ᐸᕐᓇᓂᒻᒧᑦ ᐱᓕᕆᕕᒃ.
- ᐱᓕᕆᐋᖃᑉᐸᓪᓗᓂ ᖃᓄᐃᑦᑐᑐᐃᓐᓇᓂᒃ ᐊᖏᑦᑕᐅᓯᒪᔪᓂᒃ ᓇᓕᖃᖃᐅᑎᑦ ᐋᖅᑭᒋᐊᑦᑕᐅᑎᓪᓗᒋᑦ ᑕᐃᒪᓐᓇᒋᐋᖃᑐᐊᕌᖓᑕ.

- ᐋᖅᑭᐅᒪᑎᑦᑎᓗᓂ ᖃᕋᑕᐅᔭᒃᑯᑦ ᓇᓕᖃᖃᐅᑎᑦ ᑮᓇᐅᔭᑦᑖᕈᑎᒋᔭᐅᒋᐊᓕᓐᓂᒃ ᐊᒻᒪ ᐱᖁᑎᓄᑦ ᑖᔅᓯᔭᕈᑎᓂᒃ ᓈᓴᐅᓯᕆᓯᒪᔪᒃᑳᓐᓂᓐᓂᒃ.

- ᐱᓕᕆᒋᐋᑉᐸᓪᓗᓂ ᐊᑭᓕᔅᓱᐃᕙᑦᑐᑦ ᖃᐅᔨᒍᒪᔭᙱᓐᓂᒃ (ᑎᑎᕋᔅᓯᒪᔪᓂᒃ ᐊᒻᒪᓗ ᐅᖃᐅᑎᒋᔭᐅᔪᓂᒃ).

- ᐋᖅᑭᖃᑎᒌᑦᑎᑦᑎᕙᓪᓗᓂ ᓈᓴᐅᓯᕆᓯᒪᔪᒃᑳᓐᓂᓐᓂᒃ ᑕᒪᐃᑎᒍᑦ/ᓈᓴᐅᓯᕆᔾᔪᑎᓂᒃ ᐊᐅᓚᑦᑎᔾᔪᑎᑦ ᓇᓕᖃᖅᑲᐅᑎᖏᓐᓂᒃ.

- ᐱᕙᒌᔭᔅᓯᒍᑎᑦ ᐊᒻᒪᓗ ᐱᓕᕆᐊᕆᔭᐅᓂᖏᑦ ᐊᖏᑦᑕᐅᓯᒪᔪᑦ ᖃᐅᑕᒫᖅᓯᐅᑎᑦ ᑎᑎᖅᑕᐅᕕᖏᑦ.

- ᓴᓇᓗᒋᑦ ᑕᖅᑭᑕᒪᑦ ᓇᓕᖅᑲᖃᐅᑎᑦ ᑮᓇᐅᔭᖅᑖᕆᔭᐅᒋᐊᓕᑦ ᐱᑐᖃᐅᓕᑦᑐᑦ ᖃᐅᔨᓇᓱᐊᖅᑕᐅᔾᔪᑎᖏᑕ ᐅᓄᓐᓂᖏᑦ.

- ᐋᖅᑭᒃᓱᐃᓗᓂ ᓇᓕᖅᑲᖃᐅᑎᓂᒃ ᑮᓇᐅᔭᑦᑖᕈᑎᒋᔭᐅᒋᐊᓕᓐᓂᒃ ᐅᓂᒃᑳᔅᓯᒪᔪᓂᒃ ᐊᒻᒪ ᐊᑭᓕᑦᑕᐅᓯᒪᒋᐋᖃᓕᑦᑐᒥᓃᑦ ᑎᑎᖃᑦ ᐊᑭᓕᑕᐅᖐᓐᓇᓂᑰᓄᑦ ᓇᓕᖅᑲᖃᐅᑎᑦ.

- ᕿᒥᕐᕈᓗᒋᑦ ᑮᓇᐅᔭᒃᑯᕕᒻᒧᑦ ᐴᑦᑕᐅᖃᑦᑕᑦᑐᒥᓃᑦ ᓇᓛᐅᑦᑎᑦᑎᐋᓕᖁᓪᓗᒋᑦ.

- ᐋᖅᑭᐅᒪᑎᓪᓗᒍ ᓄᓇᒥᒃ ᐊᑭᓕᔅᓱᒐᖁᑎᖃᓐᓂᒻᒧᑦ ᐊᑭᓕᕇᑉᐸᓪᓕᐊᔪᓄᑦ ᖃᐅᔨᒪᔾᔪᑎᔅᓴᒃᑯᕕᒃ.

- ᑐᓴᐅᒪᖃᑎᒌᒍᑎᖃᕐᓂᖅ ᒪᓕᒐᖅᑎᒍ ᑭᒡᒐᑦᑐᐃᔨᓂᒃ ᓂᐅᕕᐋᕆᔭᐅᑎᓪᓗᒋᑦ ᐱᖁᑏᑦ.

- ᐋᖅᑭᐅᒪᑎᓪᓗᒋᑦ ᐊᒻᒪᓗ ᒪᓕᒡᓗᒋᑦ ᐋᖅᑭᑕᐅᓯᒪᔪᑦ ᐊᑭᓖᑎᑦᑎᓂᕐᒧᑦ ᐱᓕᕆᔾᔪᓰᑦ.





- ᐊᑐᑦᑕᐅᖁᔨᓗᓂ ᐊᑐᐊᒍᒻᒥᒃ ᐊᒻᒪᓗ ᐱᓕᕆᔾᔪᓯᒻᒥᒃ ᐱᕙᓪᓕᐊᑎᑦᑎᓂᒻᒧᑦ ᐊᒻᒪ ᐱᐅᓂᔅᓴᐅᓕᑦᑎᑦᑎᓂᒻᒧᑦ.

ᐱᔭᐅᓯᒪᒋᐊᓖᑦ ᐊᔪᖏᓐᓂᕆᔭᐅᓗᑎᒃ ᐊᑦᑎᓛᖓ ᖁᕝᕙᓯᓐᓂᖓ ᐃᓕᓐᓂᐊᖅᓯᒪᓂᖓ/ᐃᓕᓐᓂᐊᕐᓂᖓ:
- ᒍᕆᑦ 12-ᒥᒃ ᐃᓕᓐᓂᐊᕌᓂᒍᓯᐊᖅ

- ᐃᓕᓐᓂᐊᔅᓯᒪᓂᖃᓪᓗᓂ ᐅᕝᕙᓘᓐᓃᑦ ᐃᓕᓴᔭᕇᕈᑎᖃᓪᓗᓂ ᓈᓴᐅᓯᕆᓂᒻᒥ, ᓇᒻᒥᓂᖁᑎᓕᕆᓂᒻᒥ ᐊᐅᓚᑦᑎᓂᒻᒥᒃ ᐅᕝᕙᓘᓐᓃᑦ ᑕᐃᒫᓪᓗᐊᖃᑎᖓᓂᒃ

ᐊᑦᑎᓛᖓ ᖁᕝᕙᓯᓐᓂᖓ ᐃᖅᑲᓇᐃᔭᖃᑦᑕᖅᓯᒪᓂᖓ:
- ᖃᔅᓰᓐᓇᐅᓛᓂᒃ ᐱᖓᓱᓂᒃ (3) ᑎᑭᓪᓗᒋᑦ ᑕᓪᓕᒪᓄᑦ (5) ᐊᕐᕌᒍᓄᑦ ᐊᑑᑎᓕᓐᓂᒃ ᐃᖅᑲᓇᐃᔭᖃᑦᑕᖅᓯᒪᓗᓂ ᑮᓇᐅᔭᓕᕆᓂᕐᒥ ᐊᐅᓚᑦᑎᕕᒻᒥ ᐱᒍᓐᓇᔅᓯᒐᓱᐊᓪᓗᓂ ᐃᖅᑲᓇᐃᔭᕈᑎᒋᒍᓐᓇᑦᑕᖓᓂᒃ ᖃᐅᔨᒪᓂᒻᒥᒃ ᑕᒪᐃᑎᒍᑦ ᓈᒻᒪᒋᔭᐅᔪᓂᒃ ᓈᓴᐅᓯᕆᓂᕐᒧᑦ ᒪᓕᒃᑕᐅᔭᕆᐋᓕᓐᓂᒃ (GAAP), ᐃᖅᑲᓇᐃᔭᓚᐅᔅᓯᒪᓗᓂ ᐋᖅᑭᔅᓱᐃᕙᓪᓗᓂ ᑮᓇᐅᔭᓕᕆᓯᒪᔪᓂᒃ ᐅᓂᒃᑳᔅᓯᒪᔪᓂᒃ ᐊᒻᒪᓗ ᖃᕋᑕᐅᔭᒃᑯᑦ ᓈᓴᐅᓯᕆᓂᒻᒧᑦ ᐱᓕᕆᔾᔪᑎᓂ.

ᐱᒋᔭᐅᔪᑦ
- ᐃᓚᐅᖃᑕᐅᔾᔪᑎᖃᕐᓗᓂ ᐃᓕᓴᕆᔭᐅᓯᒪᔪᒥᒃ ᑮᓇᐅᔭᓕᕆᓂᕐᒧᑦ ᑲᑐᔾᔨᖃᑎᒌᒥᒃ;

- ᐃᓚᒋᔭᐅᔪᖅ ᐱᓕᕆᖃᑕᐅᑦᑎᐊᖅᓯᒪᔪᖅ ᓇᓗᓇᐃᒃᑯᑕᓕᒃ ᒐᕙᒪᒃᑯᓐᓂ ᓈᓴᐅᓯᕆᔨ (CPA) ᑲᓇᑕᒥ.

- ᐅᖃᖃᑎᖃᕈᓐᓇᓪᓗᓂ ᐊᑕᐅᓯᒻᒥ ᐅᕝᕙᓘᓐᓃᑦ ᐊᒥᓲᓂᔅᓴᓂ ᓄᓇᕗᑉ ᐃᓕᓴᕆᔭᐅᓯᒪᔪᓂ ᐅᖃᓪᓚᒍᓯᐅᔪᓂ.

ᐊᔾᔨᐸᓗᖏᑦ ᐱᖃᓯᐅᔾᔨᔪᑦ ᑲᑎᓐᖓᔪᓂᑦ ᐃᓕᓐᓂᐊᖅᓯᒪᓂᖓ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓ ᐃᓱᒪᒋᔭᐅᔪᓐᓇᖅᑐᑦ. ᐊᔾᔨᖏᓐᓂᑦ ᑐᓂᓯᓗᑎᑦ ᓇᓗᓇᐃᒃᑯᑕᕐᓂᑦ ᐊᒻᒪᓗ ᐱᓇᓱᐊᕈᑎᒋᔭᕐᓂᑦ. ᐃᖅᑲᓇᐃᔮᑖᖅᑐᖅ ᑐᓂᓯᔭᕆᐊᖃᕋᔭᖅᑐᖅ ᐱᕋᔭᓚᐅᖅᓯᒪᖏᓐᓂᖓᓄᑦ ᖃᐅᔨᓴᖅᑕᐅᓂᕐᒥᑦ.
- ᓄᓇᓕᐸᐅᔭᖅ ᐃᖃᓗᐃᑦ ᐊᑐᑦᑎᐊᕈᒪᒻᒪᑕ ᐱᓕᕆᐊᕆᓇᓱᐊᖅᑕᖏᓐᓂᒃ ᐊᒻᒪᓗ ᐃᓕᖅᑯᑎᕆᒍᒪᔭᖏᓐᓂᒃ ᓄᓇᕗᑦ ᓄᓇᑖᕈᑎᖏᑕ ᐊᖏᖃᑎᒋᒍᑎᖏᓐᓂᒃ. ᓯᕗᓪᓕᐅᑎᑕᐅᓇᓱᐊᕐᓂᖅᑐᑦ ᓄᓇᕗᑦ ᐃᓄᖏᑦ; ᐃᖃᓇᐃᔭᖅᑖᕋᓱᐊᖅᑐᑦ ᓇᓗᓇᖏᑦᑎᐊᕐᓗᑎᒃ ᓇᓗᓇᐃᖅᓯᒋᐊᖃᕐᓂᐊᖅᑐᑦ ᐱᔪᓐᓇᖅᑎᑕᐅᒋᐊᖃᕐᓂᒻᒥᓐᓂᒃ ᐃᓱᒪᒃᓴᖅᓯᐅᕈᑕᐅᔅᓯᐊᕈᓐᓇᖁᓗᒋᑦ ᐊᖏᖃᑎᒋᒍᑎᑎᒍ.

- ᑕᐃᒃᑯᐊᑐᐊᖅ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᑑᓂᐊᕐᒪᑕ ᐱᓕᕆᐊᖑᓗᑎᒃ.

📌 ᑮᓇᐅᔭᓕᕆᓂᒻᒥ ᐊᐅᓚᑦᑎᔨ – ᓇᓕᖅᑲᖃᐅᑎᑦ ᑮᓇᐅᔭᑦᑖᕈᑎᒋᔭᐅᒋᐋᓕᓐᓂᒃ ᐊᒻᒪ ᐱᖁᑎ ᑖᔅᓯᔭᕈᑎᖏᓐᓂᒃ (Iqaluit)
🏢 City of Iqaluit
📍 Iqaluit